شرح كيفية فتح بورت فى الراوتر

السـلام عليكم ورحمة الله ،،

أول حاجه هيا ليه هنفتح بورت فـ الراوتر ؟؟!!؟؟

لان دا بيزود سرعة التورنت .. بمعنى سرعة الداونلود هيا سرعتك فى الداونلود بس مش هيقف منك التحميل كتير

لان دا حصل معايا ف فيلم عسل اسود قعدت يوم احمل فيه واكتشفت موضوع البورت دا قولت اشارك بيه ..

ودا لما تبقى فاتح بورت للبرنامج بتقدر تتصل بكل الموجودين في التورنت على التراكر
وبالتالي السرعه تزيد

اما لو مش فاتح بورت يبقى مش هتقدر تتصل بس غير بالناس اللي فاتحة بورت للبرنامج بتاعها
لأنهم بيفدروا يتصلوا بالكل انما انت متقدرش طالما انت
not- connectable

الفرق هتحس بيه فعلا خصوصا مع التورنتات اللي مفيهاش نشاط كبير
يعني مفيهاش عدد كبير من الليتشرز والسيدرز...

مصدر الشرح : http://www.portforward.com/routers.htm
كل انواع الراوترز وبرامج التورنت المختلفه مشروحة فيه بس بالانجليزى

نيجى بقى للشرح العربى وهيكون على نوع راوتر
Encore ENDSL-AR4
وبرنامج تورنت : Bitcomet 0.70 Only

بسم الله نبدأ ،،

أول حاجة تعرف رقم بورت البرنامج بتاعك كام زي الصورة كده في اليو تورنت
Options >> Preferences

 

او زي الصورة دي في البيتكوميت
Bitcomet 0.70 Only
Options >> Preferences

 


و Azureus زى الصورة
Tools >> Options >> Connection

 

بعد كدا هنشوف رقم الـ gateway للراوتر ورقم الاى بى بتاعنا .. من شريط المهام نضغط على ايقونة النت او الشاشتين الصغيرين الى فى شريط المهام زى الصورة

 

ملحوظة هامه :
رقم الجيت واي يكون ثابت للراوتر
ولكن الاي بي ممكن يكون بيتغير عندك وممكن يكون ثابت
علشان كده لازم يكون الاي بي بتاعك يكون ثابت مش متغير
وانا كل كلامي على الاي بي المحلي
Local IP
ولو الاي بي مش ثابت
يبقى تخليك معايا في طريقة تثبيت الآي بي في المشاركة الرابعه في الموضوع

بعد كده تاخد الرقم بتاع الجيت واي ده وتكتبه في صفحة الانترنت اكسبلورر او المتصفح اللي بتستخدمه يعني
كأنك بتكتب عنوان موقع بالظبط
يعني في حالة الصورة بتاعتي دي
انا هكتب
http://10.0.0.2

هتلاقي على طول بيطلب منك يوزر نيم وباسورد ودول طبعا بتوع الراوتر بتاعك
شوف انت اليوزر والباس ورد بتاع الروتر كام ودخلهم في الخانتين اللي هيظهرولك زي الصورة دي
 

اليوزر والباص الافتراضى
admin
admin
دا لو مش غيرتهم انت .. وساعات بيبقو بحروف كابيتال
وممكن username: admin, password : conexant

بعد كده هتظهرلك الصفحة دي
 

تضغط على virtual server
زي مانا مشورلك بالسهم كده

وبعدين تعمل زي مانا موضحلك في الصورة كده
 

بتضيف رقم البورت ورقم الاي بي المحلي اللي زي الجيت واي كده بيفرق بينهم اخر رقم بس
بتضيفهم مرة TCP
وكمان مرة تانيه UDP
وفي كل مرة متنساش تضغط add this setting

كدا خلاص تمام .. الباقى بس انك تعمل ريستارت للراوتر مش اكتر ودا من صفحة الراوتر مش من الجهاز ..

طبعا صور الشرح من الموقع الرسمى بتاع الشرح الى وضحته فـ الاعلى أنا حاولت ابسطها بس

Posted in: شبكات وانترنت